व्हेज फ्राईड राईस

एखाद्या चायनीज रेस्टॉरंट जवळून जाताना बोर्ड न वाचताच कळतं की आपण कोणत्या रेस्टॉरंट जवळ आहोत. चायनीज खाद्यपदार्थ जगभरात त्याचप्रमाणे भारतात मोठ्या प्रमाणावर लोकं आवडीने खातात. जागेनुसार त्या त्या भागात बनवल्या जाणाऱ्या चायनीज पदार्थांची कृती बदलते. आजकल घराघरांत गृहिणी अगदी सहजपणे चायनीज पदार्थ बनवतात. मग ते शाकाहारी असो वा मांसाहारी. मला तर दोन्हीही आणि त्यातील सगळेच प्रकार अतिशय आवडीचे. आज व्हेज फ्राईड राईस बनवला. अतिशय सोप्या आणि बाहेरून बनवलेल्या पेक्षा खुप हेल्थी बनतं.

साहित्य:

शिजलेले बासमती तांदूळ

बारीक कापलेले फरसबी, शिमला मिरची, कोबी, कांदा, लसूण, अद्रक, पातीचा कांदा, रेड आणि ग्रीन चिली सॉस, सोया सॉस, व्हिनेगर, शेझवान सॉस.

कृती :

प्रथम लोखंडी कढई गरम झाल्यानंतर त्यात तेल व बारीक कापलेला लसूण घालून 30 सेकंड परतुन घ्यावं.

मग त्यात अद्रक, कांदा, व इतर बारीक चिरलेल्या भाज्या घालून 2-3 मिनिट शिजवून घ्यावं.

त्यानंतर त्यात सगळे सॉस व व्हिनेगर घालून परतुन घ्यावं. मग त्यात शिजवलेला मोकळा बासमती भात घालून त्यावर मीठ आणि काळी मिरपुड घालून हलक्या हाताने ढवळून घ्यावं आणि वरून बारीक कापलेला पातीचा कांदा घालावा.

गरमा गरम सर्व्ह करून शेझवान सॉस सोबत खायला द्यावं.

साबुदाणा वडे

एकादशी आणि दुप्पट खाशी, असं म्हटलं जातं. तसं आज काही एकादशी नाही पण अंगारक संकष्टी चतुर्थी आहे. उपवास म्हटलं की साबुदाणा आलाच. लहानपणी साबुदाणा खिचडी खाण्यासाठी मी उपवास धरण्याचा हट्ट करायची. जेव्हा जेव्हा आई चा उपवास तेव्हा तेव्हा डब्याला मस्त फराळाचं मिळायचं. क्या दिन थें वो भी.साबुदाणा खिचडी आणि वडे म्हणजे जीव की प्राण अगदी. तसं उपवास करणं सगळ्यांच्या बस ची बात नाहीये. काही जण निर्जळ करतात तर काही या विरुद्ध 🤭. तसं उपवास करूनच भक्ती व्यक्त होते या मतातली मी नाही. उपवास असो की नसो बाप्पा मात्र मनामध्ये सदैव आहेत आणि असणार.😇

  तर उपवासाचे खुप सारे पदार्थ आहेत. बटाटा, भगर, साबुदाणे, रताळे, फळं आणि अनेक गोष्टींपासून ते बनवू शकतो. आज मी साबुदाणे वडे बनवले आहेत आणि ते सुद्धा अगदी साध्या सोप्या प्रकारे. तर साहित्य पाहुयात.

1 वाटी भिजवलेले साबुदाणे

1 मोठा उकडलेला बटाटा 

3 हिरव्या मिरच्या

1 लहान चमचा जिरे

शेंगदाण्याचा कूट

सैंधव मीठ

कृती :-

सर्व साहित्य एकजीव करून घ्यावे. त्याचे लहान टिक्की च्या आकारात थापून घ्यावे. आणि तेलात सोनेरी रंग येईपर्यंत तळून घ्यावे.

दही किंवा चटणी सोबत सर्व्ह करावे.

धन्यवाद.

रव्याचा शिरा

आपल्या देशात कोणत्याही चांगल्या गोष्टीची सुरुवात गोड पदार्थाने होते. मग कारण काहीही असो. अश्याच  एका गोड पदार्थाबद्दल मी लिहिते आहे. एव्हाना फोटो पाहुन तुम्हाला कळलंच असेल मी कशाबद्दल सांगत आहे. रव्याचा शिरा. रव्याच्या शिऱ्याला आपल्या येथे पूजेत फार महत्व आहे. संपूर्ण देशात रव्याचा शिरा वेगवेगळ्या पद्धतीने बनवला जातो. सुजी का हलवा या नावाने तो संपूर्ण भारतात प्रसिद्ध आहे.

साहित्य :

1 कप रवा

1 कप साखर

सुकमेवा 

पाऊण वाटी शुद्ध तुप

1 वाटी दुध किंवा पाणी

वेलची पूड

तुळशीचे पान

कृती

कढई मध्ये तुप गरम झाल्यानंतर त्यात रवा घालून छान परतावे. अगदी थोडासा रव्याचा रंग बदलेपर्यंत. छान खमंग सुगंध येतो. रवा परतत असतानाच दुसऱ्या बाजूला एका भांड्यात दिलेल्या मापात साखर आणि पाणी/दुध उकळून घ्यावे फक्त साखर  विरघळेपर्यंत. मग हे पाणी / दुध हळू हळू रव्यामध्ये घालावं. चांगल्याप्रकारे मिसळवून त्यावर ताट झाकण द्यावे. मध्ये मध्ये तपासुन घ्यावं आणि ढवळावं. यात सुकमेव्याचे तुकडे आणि वेलचीपूड घालावी.

एका वाटीत रवा भरून ताटावर उतरवून घ्यावं. त्यावर तुळशीचे पान. ( जर पूजेसाठी बनवत असाल तरच )

आणि आपला मऊ शिरा तैयार आहे.

धन्यवाद

Instagram: cookingglicious

First blog post

नमस्कार .

मी नेहा. स्वागत आहे माझ्या नवीन ब्लॉग मध्ये. 'बी यु ' म्हणजे आपल्या सगळ्यांचे मनोगत मांडणारे एक व्यासपीठ.

यथे तुम्हाला नवनवीन पाककृती,घर सुशोभीकरण, मराठी लेख, पुस्तके, गप्पा आणि बरंच काही. 

     तुम्ही ही या ब्लॉग सोबत तुमचे विचार मांडू शकता. तुम्हाला काय वाचायला आवडेल या बद्दल सांगू शकता. 

'बी यु' ची  सामाजमाध्यम :-

इंस्टाग्राम- be_you_by_neha 

ट्विटर -  Be You